काठमाडौं । सरकारले अफगानिस्तानमा शान्ति, सुरक्षा र अमन–चयनको सुनिश्चितता हुनुपर्ने नेपालको धारणा रहेको बताएको छ । अफगानिस्तानमा विकसित पछिल्लो घटनाक्रमबारे सरकारको औपचारिक धारणा सार्वजनिक गर्दै परराष्ट्र मन्त्रालयले यस्तो बताएको हो । मङ्गलवार प्रेस विज्ञप्ति निकालेर नेपालले अफगानिस्तान छाड्न चाहनेहरूलाई सडक मार्ग तथा हवाई मार्ग प्रयोग र सीमा पार गर्न दिन आग्रह समेत गरेको छ ।
परराष्ट्र मन्त्रालयले सार्क सदस्य राष्ट्रको हैसियतमा नेपालले अफगानिस्तानमा शान्ति र स्थिरता कायम भएको देख्न चाहेको बताएको छ । अफगानिस्तानमा तालिबानले सत्ता हातमा लिएसँगै अब के हुने भन्ने अन्यौल बढिरहेको छ । अफगानिस्तानमा अमेरिकी संरक्षणको सरकारका राष्ट्रपतिले देश छाडिसकेका छन् । सोहीकारण त्यहाँ रहेका मानिसहरुमा त्रास बढेको हो ।