काठमाडौं । अब सरकारी अस्पतालमा कोरोना भाइरसको परीक्षण र उपचार निःशुल्क हुने भएको छ । सरकारले आफ्नो पूर्व निर्णय सच्याउँदै सरकारी अस्पतालमा कोरोनाको परीक्षण र उपचार निःशुल्क गर्ने निर्णय गरेको हो ।
मन्त्रिपरिषद्को सोमबार साँझ बसेको बैठकले निश्चित वर्गको मात्र परीक्षण तथा उपचार निःशुल्क गर्ने र अरुले आफ्नै खर्चमा गर्नुपर्ने निर्णय सच्याएको बताइएको छ । सरकारी प्रयोगशालामा कोरोनाको परीक्षण समेत निःशुल्क गरिने छ ।
यसअघि सर्वोच्च अदालतले १५ असोजमा कोरोनाको परीक्षण र उपचार निःशुल्क गर्न आदेश दिएको थियो । सरकारले यो फैसला पुनरावेदनका लागि निवेदन दिएको थियो । उक्त निवेदन सर्वोच्चबाट खारेज भएपछि सरकारले निर्णय सच्याउन बाध्य भएको हो ।