काठमाडौं । अभिनेता भुवन केसी काठमाडौंको मेयर पदमा निर्वाचन लड्ने भएका छन् । आसन्न स्थानीय तहको निर्वाचनमा उनी स्वागत नेपाल नेतृत्वको उन्नत लोकतन्त्र पार्टीका तर्फबाट काठमाडौं महानगरपालिकाको मेयर पदको उम्मेदवार बन्ने भएका हुन् । पार्टीको मंगलबार साँझ काठमाडौंमा बसेको केन्द्रीय कार्य समितिको बैठकले केसीलाई उम्मेदवार चयन गर्ने निर्णय गरेको हो ।
पार्टीले केसीलाई उन्नत लोकतन्त्र पार्टीको परराष्ट्र विभागको अध्यक्षको जिम्मेवारी पनि दिएको छ । यसअघि अभिनेता केसी राप्रपा जान लागेको चर्चा थियो । पार्टीले रेश्मा लामालाई काठमाडौं महानगरपालिकाको उपमेयर पदको उम्मेदवार बनाउने भएको छ । उन्नत लोकतन्त्र पार्टीको चुनाव चिन्ह खुला किताब हो ।