काठमाडौं । युक्रेनसँग लड्न रुसले आफ्ना फौज रिजर्भ राखि सिरियाबाट लडाकु भर्ति गरिरहेको एक अमेरिकी प्रतिवेदनले खुलासा गरेको छ । अमेरिकी अखबार ‘द वाल स्ट्रीट जर्नल’मा अमेरिकी अधिकारीहरुलाई उदृत गर्दै यस्तो खुलासा गरिएको हो । रूसले सिरियाबाट भाडामा लड्ने गरि लडाकु आफ्नो फौजमा भर्ति गरिरहेको खुलासा भएको हो । यसमा गुप्तचार अधिकारीहरुले संख्या भने खुलाएका छैनन् ।
तर, लडाकुहरु केही रुसमा रहेको र केहीलाई युक्रेनमा खटाइएको समेत खुलासा गरिएको छ । रुसले ६ महिनाका लागि उनीहरुलाई भर्ति गरेको बुझिएको छ । सिरियामा एक दशक भन्दा लामो समय चलेको युद्धका कारण यहाँका मानिसमा लड्ने क्षमता रहेको भन्दै उनीहरुलाई भर्ति गरिएको हो । यसले रूस अब छापामार युद्धमा समेत होमिने संकेत गरेको अनुमान गरिएको छ ।