फ्लोरिडा । अमेरिकाको फ्लोरिडामा विषाक्त पानी चुहावट भएसँगै सयौं घर परिवार प्रभावित बनेका छन् । अमेरिकी संचारमाध्यमहरुका अनुसार विषाक्त पानी रहेको बाँधबाट पानी चुहावट भएको हो । यसले कम्तीमा तीन सय घरपरिवार प्रभावित बनेका छन् ।
स्थानीय प्रशासनले प्रभावित क्षेत्रमा आपतकालीन अवस्था घोषणा गर्दै उनीहरुलाई सुरक्षितस्थानमा सारेको छ । सीएनएनका अनुसार फ्लोरिडाको टाम्पा बे क्षेत्रमा आपतकालीन अवस्था जारी गरिएको छ ।
विषाक्त पानी रहेको पोखरी पिनी पोइन्ट बाँध क्षेत्रलाई सुरक्षित गर्ने प्रयास जारी रहेको समेत प्रशासनले जनाएको छ । यो बाँध ३१ हेक्टर क्षेत्रफलमा फैलिएको छ । यो बाँधको पानीमा फस्फोरस र नाइट्रोजन मिसिएका कारण मानव स्वास्थ्यका लागि हानिकारक मानिन्छ ।