बाल्टिमोर
भारतको लखनऊमा अगष्ट १४-१६, २०२१ मा सम्पन्न भएको प्रथम अन्तर्राष्ट्रिय अनलाईन ओपन तेक्वान्दो पुम्से प्रतियोगितामा टीम एभरेष्टका खेलाडीहरुले दुई स्वर्ण र एक रजत पदक जित्न सफल भएका छन ।
महिला ४० बर्ष भन्दा माथिको मास्टर समुहमा मास्टर कल्पना कार्कीले ईन्डिया, हङकङ लगायत अन्य पाँच राष्ट्रका खेलाडीहरुलाई पछि पार्दै ६.१ अंक प्राप्त गरी स्वर्ण पदक जित्न सफल भएका छन् । माष्टर कल्पना अमेरिकाको बाल्टिमोरमा एभरेष्ट वर्ल्ड क्लास तेक्वादो स्कुल सन्चालन गरी प्रशिक्षण दिदै आईरहेका छन् ।
त्यसैगरी पुरुष ४० बर्ष भन्दा माथीको मास्टर समूहमा मास्टर राजु नगरकोटीले मलेशिया, हङकङ, जर्मनि लगायत अन्य ६ राष्ट्रका खेलाडीहरुलाई पछि पार्दै फ़ाइनलमा ईन्डीयाका खेलाडीसँग झिनो अन्कले पछि हुदै ५.७ अंक प्राप्त गरी रजत पदक जित्न सफल भएका छन । मास्टर राजु नगरकोटी तिन दशकदेखि निरन्तर रुपमा नेपाल, मकाऊ र अमेरिकामा खेलाडी, प्रशिक्षक र निर्णायकको भुमिका निर्वाह गर्दै आईरहेका छन् ।
यसैगरी सीनियर तेक्वान्दो खेलाडी रमेश कार्कीले ईन्डीया, क्यानाडा लगायत अन्य ६ राष्ट्रका खेलाडीहरुलाई पछि पार्दै ५.९ अंक प्राप्त गरी स्वर्ण पदक जीत्न सफल भएका छन । रमेश कार्की हाल भारतीय सैनिक सँगै तेक्वान्दो खेललाई पनि प्राथमिकताका साथ निरन्तरता दिदै आईरहेका छन ।