न्यूयोर्क । अमेरिकामा लियोनल मेसीको जादु जारी छ । उनले लिग्स कपको फाइनलमा गोल गर्दै लगातार सात खेलमा गोल गरेका छन् । सभिल एससीविरुद्ध भइरहेको खेलको पहिलो हाफ जारी रहँदा मियामीले १–० गोलको अग्रता लिएको थियो । खेलको ५७ औं मिनेटमा सभिलले गोल फर्काएको छ ।
कप्तान मेस्सीले २३ औँ मिनेटमा गोल गर्दै टोलीलाई अग्रता दिलाएका थिए । मेस्सीले मियामीका लागि लगातार सातौँ खेलमा गोल गरेका हुन्। यसबीचमा उनले १० गोल गरेका छन्। इन्टर मियामीका लागि खेलेका हरेक खेलमा मेस्सीले गोल गरेका हुन्। मियामी पहिलो पटक कुनै पनि प्रतियोगिताको उपाधि जित्ने प्रयासमा छ।