क्यालिफोर्निया
अमेरिकामा नेपाली कांग्रेस अधिनस्त निकायको रुपमा काम गर्ने गरी सुभाष घिमिरेको नेतृत्वमा राजनैतिक अधिकार प्राप्त नेपाली जनसम्पर्क समिति अमेरिका दर्ता भएको छ । क्यालिफोर्निया राज्यमा दर्ता भएको उक्त सस्था अमेरिकी कानून अनुसार ५०१ सि ४ अन्तर्गत बैधानिक रूपले दर्ता भएको सुचना प्राप्त भएको छ ।
यस अघि गठित आनन्द बिष्ट नेतृत्वको जनसम्पर्क समितिले अमेरिकामा बस्ने नेपाली कांग्रेसमा आबद्द सबै नेपालीलाई समेट्न नसकेको, सँस्थालाई सात बर्षदेखि अधिवेसन नगरी अबैधानिक बनाएको, आफू पार्टीको आमन्त्रित केन्द्रीय सदस्य भएर पनि जनसम्पर्क समितिको सभापतिमा अवैधानिक रूपले कायमै रहेका थिए ‘जुन नेपाली कांग्रेसको विधान बिपरित हो । स्मरण रहोस ‘नेपाली कांग्रेसको बिधान अनुसार पार्टीको कुनै तल्लो निकायमा रहेको ब्यक्ति माथिल्लो निकायको लागि उम्मेदवार बनेमा मात्र पनि कायम रहेको पद स्वत: खारेज हुन्छ तर उनले पार्टीका केही नेताको संरक्षणमा बिधान बिपरित गतिविधि गर्दै आएका थिए । बिष्ट नेतृत्वको जनसम्पर्क समितिले नेपाली कांग्रेसको १४ औ महाधिवेसनमा अमेरिकी नागरिकलाई महाधिवेसन प्रतिनिधि बनाइ भोट् समेत हाल्न लगाइ नेपालको कानुन बिपरित काम गर्नुका साथै अन्य अवैध कामहरु समेत गर्दै आएको जानकारी प्राप्त भएको छ । उनको कार्यसमिति बिभिन्न कान्डहरुमा मुछिंदै आएको छ ।
महामानव वि पि कोइरालाले परिकल्पना गरे अनुसार अमेरिकामा बस्ने सम्पूर्ण लोकतन्त्र प्रेमी नेपालीहरुलाई एकताबद्द बनाइ नेपाली कांग्रेसको विधान ’नीति र नियमलाई अक्षरस पालना गर्ने र सस्थालाई बैधानिक बाटोमा हिडाउने गरी नवगठित जनसम्पर्क समिति अमेरिकाले काम गर्ने संस्थाका उपसभापति एवम् संगठन बिभाग प्रमुख ईन्द्र सिटौलाले बताउनु भयो । उहाँले नेपाली कांग्रेसप्रति आस्थावान र नेपालको प्रजातान्त्रिक ब्यवस्थाप्रति सहयोग गर्ने र सद्भाव राख्ने सबैलाई समेट्दै जाने र संस्थालाई एउटा स्वच्छ र सबैले गर्व गर्न लायक संस्थाको रुपमा बिस्तारित गरिने जनाएका छन् । हाल यस संस्थाले २७ सदस्यीय केन्द्रीय समिति र ३ सदस्यीय सल्लाहकार समिति घोषणा गर्नुका साथै संगठन बिभाग ‘महिला बिभाग‘ ‘विज्ञ बिभाग’ ‘युवा बिभाग‘ सुचना तथा संचार बिभाग ‘स्वास्थ्य बिभाग र आर्थिक बिभाग गठन गरिसकेको छ । त्यस्तै हालै मात्र टेक्सासको मार्बल फल्समामा ७७ सदस्यीय कार्यसमिति र ५ जना सल्लाहकार समितिको गठन पनि गरेको छ । नबगठित जनसम्पर्क समितिको केन्द्रीय कार्यसमिति यस प्रकार रहेका छन्:
