काठमाडौं । अमेरिकामाथि एक दिवसीय क्रिकेटमा नेपालले कीर्तिमानी जीत निकालेको छ ।
त्रिकोणात्मक सिरिज अन्तर्गत अन्तिम खेलमा नेपालले बुधबार अमेरिकामाथि ८ विकेटको रवाफिलो जीत निकालेको हो ।
बुधबार कीर्तिपुरस्थित त्रिवि क्रिकेट मैदानमा सम्पन्न खेलमा नेपालले अमेरिकालाई वानडे इतिहासमै कीर्तिमानी कम स्कोरमा सम्ट्दा मात्र ३५ रन मात्र बनाउन दियो ।
टस जितेर बल रोजेको नेपालले अमेरिकालाई ३५ रनमा अलआउट गरेको हो ।
नेपाली बलर सन्दीप लामिछानेले ६ र सुशन भारीले ४ विकेट लिएर अमेरिकाको पारीलाई ध्वस्त बनाएका थिए ।
अमेरिकाले दिएको ३६ रनको न्यून लक्ष्य नेपालले ५.१ ओभरमा २ विकेट गुमाउँदै पूरा गरेको हो ।
लेग स्पिनर सन्दीप लामिछाने एक्लैले ६ विकेट लिएर नेपालको तर्फबट वानडे क्रिकेटमा सर्वाधिक विकेट लिने खेलाडी बने ।
उनी एशोसिएट मुलुकबाट एकै पारीमा सर्वाधिक उत्कृष्ट पिगरमा बलिंग गर्ने खेलाडी समेत बन्न सफल भए ।
अमेरिकाले नेपालविरूद्ध बनाएको ३५ रन एकदिवसीय अन्तर्राष्ट्रियमा दोस्रो सबैभन्दा कम स्कोर हो ।
सन् २००४ मा श्रीलंकाले जिम्बावेलाई समान ३५ रनमै रोकेको थियो । जितसँगै नेपालले त्रिकोणात्मक सिरिजमा दुई जित हात पारेको छ।
यसअघि पनि नेपालले अमेरिकालाई नै हराएको थियो।
त्रिकोणात्मक सिरिज अन्तर्गत अमेरिकी र ओमानी टोली नेपाल भ्रमणमा आएका हुन् । ओमानले सिरिजका चारवटै खेल जित्यो । ओमानले नेपाल र अमेरिका दुबैलाई हराएको हो ।