अमेरिकासहित त्रिदेशीय सिरिज खेल्न ओमान उड्यो नेपाली क्रिकेट टोली

काठमाडौं । त्रिदेशीय एक दिवसीय क्रिकेट श्रृङ्खलाका सिलसिलामा नेपाली राष्ट्रिय क्रिकेट टोली ओमान उडेको छ । ज्ञानेन्द्र मल्लको कप्तानीमा रहेको १७ सदस्यीय नेपाली टोली मंगलबार बिहान ओमानतर्फ लागेको हो । विश्व क्रिकेट लिग–२ अन्तर्गत नेपाल, ओमान र अमेरिकाबीचको त्रिदेशीय श्रृङ्खला भदौ २८ देखि असोज ४ गतेसम्म हुँदैछ । त्यसअघि नेपालले पपुवा न्युगिनीसँग भदौ २० र २३ गते दुई वटा एक दिवसीय सिरिज खेल्ने कार्यक्रम रहेको छ । यी दुई प्रतियोगिताका लागि नेपालले राम्रो तयारी समेत गर्न भ्याएको छ । किनकी यसबीचमा नेपालले अन्य खेलमा व्यस्त हुनु परेको छैन ।