अमेरिका र भारतमा समेत देखियो कोरोनाको नयाँ भाइरस

काठमाडौं । बेलायतबाट पहिलो पटक पुष्टी भएको कोरोना भाइरस कोभिड १९ को नयाँ जिवाणु अमेरिका र भारतमा समेत पुष्टी भएको छ । अमेरिकाको कोलोराडोमा एक व्यक्तिमा नयाँ जिवाणु पुष्टी भएको अमेरिकी संचारमाध्यमले जनाएका छन् । ती व्यक्तिको ट्राभल हिष्ट्री सार्वजनिक गरिएको छैन । उनलाई आइसोलेसनमा राखिएको बताइएको छ ।

सरकारी अधिकारीहरुका अनुसार उनको सम्पर्क र अमेरिकामा अन्य नयाँ केसको बारेमा थप अध्ययन जारी रहेको छ । यता, भारतमा भने बेलायतबाट आएका ६ जनामा नयाँ भाइरस पुष्टी भएको हो । नेपालमा समेत १ पुसयता बेलायतबाट आएका ५ जनामा कोरोना पुष्टी भएको छ । तर, उनीहरुमा कुन प्रकारको भाइरस छ भन्ने चाँही खुलिसकेको छैन । बेलायतबाट आएका सबैजना होटेल आइसोलेसनमा छन् ।