काठमाडौं । अमेरिका र मेक्सिकोले फिफा विश्वकप २०२२ का लागि टिकट पक्का गरेका छन् । उत्तर अमेरिका छनोटको अन्तिम खेलमा कोस्टारिकासँग २-० गोलले हारेपनि अमेरिका विश्वकपमा पुगेको हो । मेक्सिकोले अन्तिम खेलमा एल साल्भाडोरलाई २-० गोलले नै हराउँदै विश्वकपमा स्थान बनाउन सफल भयो । उत्तर अमेरिका छनोटबाट यसअघि क्यानडाले विश्वकपमा स्थान पक्का गरिसकेको छ। कोस्टारिकाले भने अन्तरमहादेशीय प्लेअफ खेल्नु पर्ने भएको छ ।
अब विश्वकपमा २९ टिमको स्थान पक्का भइसकेको छ । अब युरोपबाट एक टिम र अन्तरमहादेशीय प्लेअफबाट दुई टिम विश्वकपमा छनोट भएसँगै विश्वकप खेल्ने ३२ वटै टिमको टुंगो लाग्ने छ । अन्तरमहादेशीय प्लेअफ आगामी जुनमा हुनेछ।अन्तरमहादेशीय प्लेअफका लागि ओसियाना क्षेत्रबाट न्युजिल्यान्ड छनोट भएको छ। न्युजिल्यान्डले ओसियानाको फाइनलमा सोलोमन आइल्यान्डलाई ५-० गोलले हराएको हो ।