न्यूयोर्क । गिरीजाप्रसाद कोईराला फाउन्डेशन अमेरिकी च्याप्टरको एक प्रतिनिधिमडलले न्यूयोर्कबाट हाउस कांग्रेसमा प्रतिनिधि कांग्रेस वमन ग्रेस मींगसँग भेटवार्ता गरेको छ । फाउण्डेशनका अध्यक्ष सोमनाथ घिमिरेको नेतृत्वमा मंगलबार गएको प्रतीनिधि मण्डलले न्युयोर्क-फ्लसींग स्थित कांग्रेस वमनको कार्यालयमा भेट गरेको हो । भेटमा नेपाली आप्रवासीका विविध समस्या तथा समसामयिक विषयमा छलफल भएको थियो ।
फाउन्डेशनका अध्यक्ष सोमनाथ घिमिरेको नेतृत्वमा उपाध्यक्ष सुवर्ण लामा, प्रवक्ता एवं कार्यसमिति सदस्य रामचन्द्र अधिकारी, कार्यसमिति सदस्यहरू ध्रुव कुँवर क्षेत्री, रेखा श्रेष्ठ, फाउन्डेशनका सदस्यहरु क्रमशः शेखर कार्की, राजीव बतास, पुनम सिटौंला कार्की क्षेत्री, मनोज पडौंल, अनु धिताल लगायत १० जनाको टोलीले भेट गरेको हो । भेटमा अध्यक्ष घिमिरेले काङ्रेस वमनसँगको जिपी फाउण्डेशनले गरेको भेटको उद्देश्यबारे बताएका थिए । उनले कोरोना कहरको डरलाग्दो अवस्थामा गरेको कामको स्मरण गराए ।
भेटघाटको अवसरमा फाउन्डेशन उपाध्यक्ष सुवर्ण लामाले नेपाल अमेरिका बीच आपसी सहयोग र सम्बन्ध प्रगाढ रहेको बताउँदै आगामी दिन हरूमा अझ सुमधुर रहोस भन्ने चाहना भएको बताए । प्रवक्ता एवं कार्यसमिति सदस्य रामचन्द्र अधिकारीले अमेरिकामा रहेका लाखौं आप्रवासी कानुनत वस्न र काम गर्न योग्य भए पनि स्थायी बसोवासको अनुमति पाउन अनेकौं सास्ती व्यहोरेको बताए ।
उनले वर्षौं परीवारसँग छुट्टीएर वस्नुपरेको कारणले मानसिक यातना व्यहोरिहेको समेत जानकारी दिए । उनले यस्ता समस्याको एक जिम्मेवार सांसदको हैसियतमा यथासक्य शीघ्र कानुनी रूपमा हल गरिदिन आग्रह गरे ।
कार्यसमिति सदस्य ध्रुव कुँवर क्षेत्रीले आफ्नो ज्यानको पर्वाह नगरी आफु यु एस ऐम्बेसी कावुल, अफगानिस्तानमा सुरक्षा अधिकारीको रूपमा तैनाथ भएको स्मरण गरे । त्यसबोला धेरैको ज्यान बचाएँको भन्दै उनले अमेरिकी सरकार प्रति वफादार भएर गरेको रोचक कार्य सुनाएका थिए । उनले अमेरिकाको कानुन र प्रजातन्त्रात्मक शासन व्यवस्था मानी यही मुलुकमा श्रम पसिना सिंचित गरी वर्षौं देखी बस्दै आएको र आफ्ना दुख पीडा एक अभिभावकीय नाताले कांग्रेस वुम ग्रेस मेंगको नेतृत्वले हलगरी दिन आग्रह गरे ।
अर्का कार्यसमिति सदस्य रेखा श्रेष्ठले आफुले यसै फाउन्डेशन मार्फत विविध सामाजिक कार्यहरूमा यही समाजको सेवामा खटीँदै आएको र आवश्यक पर्दा भोलीका दिनहरूमा पनी खटीरहने प्रण गरिन् ।
व्यक्तिगत एवं सामूहिक समस्याहरूका बारे प्रत्येकले आपसी अन्तर्कृया एवं छलफल गरी कांग्रेस वुमन ग्रेस मेंग सँगखुलेर छलफल गरीएको सो कार्यक्रममा आफ्नो धारणा राख्दै मेंगले आफु यहाँका जनताद्वारा चुनिएको जनप्रतिनिधिको हैसीयतले कुनैपनी पार्टी र व्यक्ति एवं समुदायप्रती निष्पक्ष भै कानुन अनुसार क्रमशः यथासक्य समस्याहरू समाधान गर्न लागी परेको प्रष्ट पारिन् ।
उनले सरकार समक्ष यथेष्ट बजेटको मागगरी विशेष गरी जटील बन्दै गईरहेको आप्रवासी समस्या समाधान गर्न वर्तमान वाईडेन सरकारलाई घच्घच्याईरहेको प्रष्ट पारेकी छिन् । उनले आफु नेपाल र नेपालीलाई असाध्यै माया गर्ने र मौका मिलेमा निकट भविष्यमा नेपालको भ्रमण समेत भएको ईच्छा व्यक्त गरिन् ।
कांग्रेस वुमन ग्रेस मेंगले अमेरिकामा जीपी फाउन्डेशनले गरेको सामाजिक सेवाको उच्च प्रशंसा गर्दै आफुले फाउन्डेशनको कार्यालय भ्रमण गरी यदि आवस्यक भएमा फाउन्डेशनकै कार्यालयमा आप्रवासीहरुको समस्या समाधान गर्न घुम्ती सिविर संचालन गरी नेपाली लगायत स्थानीय समुदायका सेवाग्राहीहरूका समस्या हलगर्न लागि पर्ने वचनबद्दता समेत व्यक्त गरेका छिन् ।