काठमाडौं । नेपालमा अमेरिकाबाट सिधा हवाई उडानको तयारी चलिरहँदा त्यहाँको नियामक निकायले आजबाट नेपालमा हवाई सुरक्षा जाँच गर्ने भएको छ । अमेरिकी नागरिक उड्डयनको नियामक निकाय फेडेरल एभिएसन एडमिनिस्ट्रेसनको टोलीले नेपालको हवाई सुरक्षा अवस्थाबारे बिहीबारबाट अध्ययन थाल्ने नेपाल नागरिक उड्डयन प्राधिकरणले जनाएको छ ।
सो टोलीले आइकाओले हेर्ने गरेका आठवटा क्षेत्रमा नेपालको वर्तमान अवस्थाबारे अध्ययन गर्ने जानकारी नेपाल नागरिक उड्डयन प्राधिकरणका महानिर्देशक प्रदीप अधिकारीले दिए । युुरोपेली सङ्घ इयूले हालै नेपालको अडिट गरिसकेको छ । नेपाल ईयूको कालोसूचीमा छ । नेपालमा हालै विश्व बैंकको टोलीले समेत सुरक्षा अडिट पुरा गरेको छ । उता, अन्तर्राष्ट्रिय नागरिक उड्डयन संठगनको पूर्ण अडिटको अन्तिम रिपोर्ट समेत आइसकेको प्राधिकरणले जनाएको छ ।