न्यूयोर्क
राष्ट्रपति डोनाल्ड ट्रम्पले आफुलाई कोरोना भाईरसको संक्रमण भएको शंकाका कारण शुक्रबार साँझ जाँच गरिएको बताएका छन् । राष्ट्रपति ट्रम्पले शनिबार ह्वाईट हाऊसमा आयोजित एक पत्रकार सम्मेलनमा उक्त कुरा बताएका हुन् । शुक्रबार साँझ राष्ट्रपति ट्रम्प कोरोना संक्रमित भए नभएको पक्का गर्न पठाईए पनि नतिजा भने हालसम्म थाहा नभएको समेत उनले पत्रकार सम्मेलनमा बताएका छन् ।
राष्ट्रपति ट्रम्पले बिभिन्न सभा सम्मेलनमा भेट गरेका ब्यक्तीहरु कोरोना भाईरस संक्रमित भेटिएपछि ट्रम्पको पनि जाँच हुनु पर्ने दबाब बढ्दै आएको थियो । अमेरिकामा कोरोना भाईरस संक्रमितको संख्या बढ्दै गएको छ भने शनिबार बिहानै न्युयोर्कमा ८२ बर्षिया एक महिलाको पनि कोभिड -१९ का कारण मृत्यु भएको छ ।