काठमाडौं । तल्लो सदनमा रिपब्लिकन पार्टीले बहुमत प्राप्त गरेको छ । यससँगै नयाँ पुस्तामा व्यवस्थापिकाको नेतृत्व सुम्पने भन्दै अमेरिकी संसदकी सभामुख न्यान्सी पेलोसीले अमेरिकी सभामुखबाट राजीनामा दिएको अमेरिकी सञ्चारमाध्यमले जनाएका छन् । रोयटर्सका अनुसार उनले नयाँ पुस्तामा प्रतिनिधिसभाको नेतृत्व सुम्पने बताएकी हुन् । ‘मलाई दिइएको जिम्मेवारीप्रति म कृतज्ञ छु। नयाँ पुस्ता पनि यो अद्भुत जिम्मेवारी लिन सक्षम भएकी छिन्।
उनीहरूको नेतृत्व चाहनाका लागि र युवा पुस्तालाई जिम्मेवारीको अवसर दिन चाहन्छु,’ पेलोसीले भनिन् । ८२ वर्षीय पेलोसीले सान्फ्रान्सिस्कोबाट सन् १९८७ बाट निरन्तर संसदमा प्रतिनिधित्व गर्दै आएका छिन्। सन् २०२१ मा कमला ह्यारिस उपराष्ट्रपतिमा चयन हुनुअघिसम्म अमेरिकाको सर्वोच्च पदमा पुग्ने एक मात्र महिला नेतृ पेलोसीनै थिइन् ।