काठमाडौं । माओवादी केन्द्रले अर्थमन्त्रीमा जनार्दन शर्मालाई निरन्तरता दिने वा नयाँ व्यक्ति पठाउने भन्ने सन्दर्भमा आज निर्णय लिने भएको छ । पार्टीको आज बस्ने स्थायी समिति बैठकले सो निर्णय लिनेछ । बैठकले पार्टी पदाधिकारीको समेत टुङ्गो लगाउने तयारी गरेको बताइएको छ ।
पूर्व अर्थमन्त्री जनार्दन शर्माले संसदीय समितिको छानविनबाट क्लिन चिट पाएका छन् । उनी प्रतिष्ठाका लागि भएपनि एक पटक अर्थ मन्त्रालय फर्कने सोँचमा छन् । यसबारे पार्टीले निर्णय लिने भएको छ । प्रमुख प्रतिपक्ष एमालेले पूर्व अर्थमन्त्री शर्माबारेको प्रतिवेदन नमान्ने घोषणा शनिबार अध्यक्ष केपी ओलीले गरेका थिए । जुन समितिमा उनकै पार्टीका नेताहरु समेत सहभागी थिए ।