काठमाडौं । बजेट निर्माणमा अनाधिकृत व्यक्तिको प्रवेश भएको आरोप लागेपछि निवर्तमान अर्थमन्त्री जनार्दन शर्मामाथि छानविन गर्नए गठन भएको संसदीय छानविन विशेष समितिले नेपाल प्रंहरीबाट प्राप्त अर्थमन्त्रालयको सीसीटीभी फुटेजको सिलबन्दी मंगलबार खोलेको छ । जसमा प्रहरीले सीसीटीभी क्यामराको डिलिट भएको अंश समेत रिकभर भएको छ । तर, रिकभर भएको फुटेजमा मान्छे भने नचिनिने अवस्था आएसँगै अन्ततः समिति नै अन्यौलमा पुगेको छ । मंगलबार यसबारे समितिको बैठक दुई पटक बसेको छ ।
पहिलो पटक बसेको बैठकमा समितिका सदस्यहरु आफैले भिडियो हेरेका थिए । ५० भन्दा बढी फुटजबारे कुनै भेउ नपाएपछि उनीहरुले नेपाल प्रहरीको विशेषज्ञ टीमसँग पुनः छलफल गरे । छलफलमा विज्ञ टीमले रिकभर गर्दा धेरैजसो गुणस्तर मेटिइसक्ने भएकाले गुणस्तरीय फुटेज आउन नसक्ने जानकारी समितिलाई गराएका हुन् । समिति अब प्रतिवेदन लेखनमा लाग्ने छ । समितिले शर्मासहित मन्त्रालयका अधिकारी, पत्रकार तथा अन्य सरोकारवालासँग यसबारे छलफल गरिसकेको छ । तर, आरोप पुष्टी गर्ने कुनै प्रंमाण भने भेटाएको छैन ।