हेटौडा । प्रदेशको मूख्यमन्त्री पदमा पहिलो पटक महिलाको नेतृत्व पुगेको छ । वाग्मती प्रदेशको मुख्यमन्त्रीमा एमाले उपाध्यक्ष अष्टलक्ष्मी शाक्य नियुक्त भएसँगै यो इतिहास कायम भएको हो । संविधानको धारा १६८(१) अनुसार प्रदेश प्रमुख विष्णु प्रसाईंले शाक्यलाई बहुमतको आधारमा मुख्यमन्त्रीमा नियुक्त गरेका छन् । यसअघि आजै शाक्य वाग्मती प्रदेशको एमाले संसदीय दलको नेतामा चयन भएकी थिइन् ।
वाग्मती प्रदेशका मुख्यमन्त्री डोरमणि पौडेलले आजै राजीनामा गरेका थिए । नेकपा नफुटेकै अवस्थामा नै उनी मूख्यमन्त्रीको दावेदार थिइन । तर, उनलाई केपी शर्मा ओली पक्षबाट धोका भएको थियो । तर, पार्टी विभाजनको मुखमा पुगेका बेला ओली पक्षले शाक्यलाई मुख्यमन्त्री पद दिएर आफुतिर तानेको हो ।