कुवेत । नेपाली राष्ट्रिय फुटबल टोली शुक्रबार राती सम्पन्न अष्ट्रेलियाविरुद्ध ३-० गोल अन्तरले पराजित भयो । अष्ट्रेलिया फिफा वरियतामा नेपाल भन्दा १३० औं स्थानमा छ । अर्कोतर्फ नेपाल दोस्रो हाफमा १० खेलाडीमा सिमित भयो । यस परिस्थितिमा पनि मात्र तीन गोल अन्तरको पराजय भोग्नुलाई नेपाली प्रशिक्षक अब्दुल्लाह अलमुताइरीले राम्रो उपलब्धी माने ।
अष्ट्रेलियाविरुद्ध नेपालको प्रदर्शनबाट खुशी रहेको र नेपालीले साहसिक रुपमा खेलेको प्रतिक्रिया दिए । नेपालले नेपालको गोर्खाली पहिचान सम्झँदै भने, ‘नेपालीहरु विश्वमा गोर्खाली भनेर चिनिन्छन् । आज हाम्रो खेलाडीले गोर्खाली जसरी नै खेल्यौँ । १० खेलाडी होस् या ११, हामीले हरेक समय भिडेर खेल्यौं ।’
विश्वकप २०२२ र एसिया कप २०२३ को दोस्रो चरणको छनोट अन्तर्गत नेपाल शुक्रबार राती अन्तिम खेल खेलेको हो । यो खेलमा नतिजा भन्दा प्रदर्शनमा ध्यान दिने बताएका उनले भनेजस्तै नेपालले सुधारिएको प्रदर्शन भने गर्न सफल भएको छ ।
नेपाल दोस्रो हाफ पूरा हुँदा १० खेलाडीमा समेटिएको थियो । पहिलो हाफमा नेपालले दुई गोल खायो । दोस्रो हाफमा १० खेलाडी मात्र खेल्दा पनि मात्र एक गोल खायो । नेपालका गोलकिपरले निकै प्रहार बचाउ गरे, जसले अष्ट्रेलियाको स्कोर कम गराउन भूमिका खेलेको छ ।
अलमुताइरीले मैदान उत्रेका सबै खेलाडीले मेहनत साथ खेलेको प्रतिक्रिया दिए । नेपालले यो यात्रामा अष्ट्रेलिया र जोर्डनसंग ३-० को हार बेहोर्यो । चाइनिज ताइपेईलाई २-० ले हरायो । यी तनी वटै टोली नेपाल भन्दा बलियो टीम हुन् । कुवेत जानुअघि इराकसंगको मैत्रीपूर्ण खेलमा नेपाल पराजित भएको थियो ।