काठमाडौं । आईसीसी क्रिकेट विश्वकप लिग टुमा आज नेपाल र पपुवा न्युगिनी भिड्दैछन् । प्रतियोगिता युनाइटेड अरब इमिरेट्स (यूएई)मा जारी छ । नेपालको खेल आज परे पनि प्रतियोगिताका अन्य खेल भने मंगलबारबाटै शुरु भए । आईसीसी क्रिकेट विश्वकप लिग टु आगामी वान डे विश्वकपमा पुग्ने यात्राको पहिलो पाइला हो ।
नेपाल र पपुवा न्युगिनीबीचको खेल नेपाली समय अनुसार बिहान सवा ११ बजे सुरु हुनेछ । यसअघि नेपालले श्रीलंकामा एक साताभन्दा बढी तयारी र अभ्यास खेल्दै उच्च मनोवलका साथ यूएई पुगेको छ । लिग टु अन्तर्गत नेपाल, यूएई र पपुवा न्युगिनी बीचको शृंखला ८ गतेसम्म चल्ने छ । यो खेलले वान डे अन्तर्राष्ट्रिय मान्यता पाएको छ ।