काठमाडौं । आजबाट काठमाडौंमा तीन मुलुक सहभागी टि-ट्वान्टी क्रिकेट सिरिज शुरु हुँदैछ । कीर्तिपुरस्थित त्रिभुवन विश्वविद्यालय अन्तर्राष्ट्रिय क्रिकेट मैदानमा हुन लागेको यो प्रतियोगितामा नेपाल, नेदरल्याण्ड्स र मलेसिया सहभागी छन् । कोरोना महामारीपछि पहिलो पटक नेपाल क्रिकेटको अन्तर्राष्ट्रिय प्रतियागितामा सहभागी भएको छ ।
दिउँसो सवा १ बजे सुरु हुने प्रतियोगिताको पहिलो खेलमा नेपाल र नेदरल्याण्ड्स भिड्दैछन् । कोरोना सङक्रमणको जोखिमका बीच कम मात्र दर्शकले रंगशालामा प्रवेश पाउने छन् । स्वास्थ्य मन्त्रालयको आह्वान अनुसार भिडभाड कम गर्न लागिएको क्यानले जनाएको छ ।
नेपालका कप्तान ज्ञानेन्द्र मल्ल, नेदरल्याड्सका कप्तान पिटर सिलर र मलेसिया कप्तान फैज अहमदले टीमको नेतृत्व सम्हालेका छन् । प्रतियोगिताको प्रारम्भमै नेपालका लागि भने एक झड्का लागेको छ । पूर्वकप्तान तथा भरपर्दा ब्याट्सम्यान पारस खड्काले चोटका कारण यो सिरिज गुमाएका छन् ।