काठमाडौं । नेपाल र भारतबीच ९ महिनापछि आजबाट हवाई उडान सुचारु भएको छ । नेपाल एयरलाइन्सको जहाज आज काठमाडौंबाट भारतको नयाँ दिल्ली उड्दैछ । कोरोना भाइरसको महामारीपछि ११ चैतदेखि सबै प्रकारका उडान अवतरणमा प्रतिबन्ध लागेको थियो ।
काठमाडौ–नयाँदिल्ली गन्तव्यमा नेपाल–भारत दुवै देशका एक\एक वायुसेवा कम्पनीले दैनिक दुई वटा उडान गर्ने गरी तालिका तय भएको छ । जसमा नेपाल एयरलाइन्सले आजबाट उडान शुरु गर्दैछ ।
निगमको एयरबस ए ३२० विमान काठमाडौं एयरपोर्टबाट दिउँसो साढे ११ बजे दिल्ली जानेछ । पहिलो उडानमा ८० प्रतिशतभन्दा बढी अक्कुपेन्सीमा यात्रु लिएर जहाज दिल्ली जाने भएको छ । भारतले एयर बबल स्कीम ल्याएपछि त्यहा रहेका विदेशीहरु धमाधम आफ्नो मुलुक फर्किरहेका छन् । नेपाल समेत यही स्कीममा सहभागी भएको हो ।