काठमाडौं । प्रधानमन्त्री केपी शर्मा ओली आज पर्वत जाँदैछन् । कालीगण्डकी प्रसारण कोरिडोरको खुर्कोट–दाना खण्डको उद्घाटन गर्न उनी पर्वत जान लागेका हुन् । प्रधानमन्त्री ओलीले बिहीबार दिउँसो पर्वतको कुस्मा नगरपालिका–२ खुर्कोटमा रहेको २२०÷१३२ केभी सबस्टेशन, खुर्कोट देखि म्याग्दीको अन्नपूर्ण गाउँपालिका–३ को दानासम्मको २२० केभी प्रसारण लाइन र दानामा २२०÷१३२÷३३ केभि सबस्टेशनको उद्घाटन गर्ने कार्यक्रम रहेको प्रधानमन्त्री कार्यालय स्रोतले जनाएको छ ।
आजै नेकपाले नेपाल बन्द आयोजना गरेको छ । यस अवस्थामा उनको पर्वत भ्रमण भने सुरक्षाकर्मीका लागि निकै चूनौतिपूर्ण हुने देखिएको छ । पोखरा र बागलुङबाट थप सुरक्षा बल मगाएर जिल्लामा सुरक्षा बढाइएको जिल्ला प्रशासन कार्यालयले जनाएको छ ।