काठमाडौं । आज नेपाल कम्युनिस्ट पार्टीका अध्यक्ष प्रचण्ड निवासमा नेकपाका दुई अध्यक्षबीच छलफल हुने भएको छ । यसअघिका छलफलहरुमा प्रचण्ड प्रधानमन्त्री केपी शर्मा ओलीको सरकारी निवास मै जाने गर्थे । आज भने बिहान १० बजे प्रधानमन्त्री प्रचण्ड निवास जान लागेका हुन् ।
पुष्प कमल दाहाल प्रचण्डको निवास खुमलटारमा पार्टी विवादका सम्बन्धमा छलफल हुने भएको छ । यसअघि शुक्रबार दाहाल र ओलीबिच बालुवाटारमा भेटवार्ता भएको थियो। प्रधानमन्त्री कोरोना महामारी शुरु भएपछि वालुवाटार छाडेर टाढा जान बन्द गरेका छन् ।
उनी सरकारी कार्यालय समेत आउँदैनन् । प्रधानमन्त्री ओलीले पार्टीमा विवाद कायमै रहेका बेला संवैधानिक परिषद सम्बन्धी विधयेक ल्याएपछि पार्टीमा चर्को विवाद भइरहेको छ । यसमा आइसब्रेक हुने अपेक्षा कार्यक्रताले लामो समयदेखि गरेपनि नतिजा भने देखिएको छैन ।
यसअघि पार्टीभित्र उनीदेखि असन्तुष्ट रहँदै आएको माधवकुमार नेपाल तथा दाहाल समूहले सचिवालयमा अल्पमतमा पारेपछि वामदेव गौतमलाई आफ्नो पक्षमा मनाउन साउनमा गौतम निवास भैंसेपाटी पुगेका थिए।