काठमाडौं । प्रतिनिधि सभाको बैठक बुधबारका लागि बोलाइएको छ । दिउँसो १ बजे बस्ने गरि बैठक बोलाइएको छ । बैठकका कार्यसूची तय गर्न सभामुख अग्नि सापकोटाले बिहान साढे ११ बजे कार्यव्यवस्था परामर्श समितिको बैठक बोलाएका छन् । सत्तँरुढ दलहरुबीच बुधबार नै अमेरिकी सहयोग परियोजना एमसीसी टेबुल गर्ने सहमति जुटेको छ । नेपाली कांग्रेसले एमसीसी आजै टेबुल गर्नुपर्ने प्रस्ताव राखेका छन् । यसमा पास गर्ने दिन आफुहरु अनुपस्थित हुने शर्तमा माओवादी र समाजवादीले समेत सहमति गरेको बुझिएको छ ।
यस्तो अवस्थामा गठबन्धन कायम रही एमसीसी पास गर्न एमालेको भूमिका निर्णायक हुनेछ । मंगलबार बिहान प्रधानमन्त्री शेरबहादुर देउवा, माओवादी केन्द्रका अध्यक्ष पुष्पकमल दाहाल ‘प्रचण्ड’ र एकीकृत समाजवादीका अध्यक्ष माधवकुमार नेपालबीच एमसीसी सम्झौता अनुमोदनका लागि संसदमा टेबल गर्ने समझदारी बनेको हो । एमसीसी अनुमोदन भने कहिले हुने निश्चित छैन । अमेरिकाले एमसीसीबारे छिटो टुंगोमा पुग्न भनेको छ । संघीय संसद सचिवालयले मंगलबार सार्वजनिक गरेको सम्भावित कार्यसूचीमा एमसीसी राखिएको छैन ।