काठमाडौं । सत्तारूढ नेकपा (माओवादी केन्द्र)को पालिका आज देशभर हुँदैछ । दिउँसो १ बजे माओवादी केन्द्रका अध्यक्ष पुष्पकमल दाहाल ुप्रचण्डु ले देशभरिका अधिवेशनमा भर्चुअल्ली सम्बोधन गर्ने कार्यक्रम रहेको प्रचण्डको सचिवालयले जनाएको छ । माओवादी केन्द्रले मंसिर ४ गते देशभरि वडा अधिवेशन गरेको थियो। माओवादी केन्द्रमा सबै स्थानमा सर्वसम्सत नेतृत्व आइरहेको छ ।
अन्तरिम विधान २०७८ मा पार्टीका विभिन्न तह र जनवर्गीय संगठनका केन्द्रीय निकायको निर्वाचन गर्न केन्द्रीय निर्वाचन आयोगको व्यवस्था छ। माओवादीले सदस्यता नवीकरण समेत टुंग्याइसकेको छ । माओवादीको २५ मंसिरमा सातै प्रदेशमा अधिवेशन हुने कार्यक्रम छ । पुस ११ देखि १३ मा माओवादी केन्द्रको राष्ट्रिय सम्मेलन आयोजना हुँदैछ ।