आज संसद बैठक बस्दै, एमसीसी पेश हुने टुंगो भने छैन

काठमाडौं । अइतबार प्रतिनिधिसभाको बैठक बस्दैछ । लामो समयदेखि एमालेको अवरोध र सत्तारुढ दलहरुबीच एमसीसीका विषयमा जारी विवादका कारण सदन सूचारु हुन सकिरहेको छैन । बैठक दिउँसो १ बजे बोलाइएको छ । बैठकको कार्यसूची तय गर्न सभामुख अग्नि सापकोटाले बिहान साढे ११ बजे कार्यव्यवस्था परामर्श समितिको बैठक बोलाएका छन् । आज एमसीसी टेबुल गर्ने कांग्रेसले दावि गरेको छ । सत्ता गठबन्धनमा भने यसबारे सहमति भइसकेको छैन । सहमति गर्न आज पनि गठबन्धनका शीर्ष नेताको बैठक बोलाइएको छ । बैठक १० बजे बस्ने छ ।