काठमाडौं । १३ औं दक्षिण एसियाली खेलकुद (साग)को भब्य उद्घाटन आज हुँदैछ । ५ बजेबाट शुरु हुने विशेष कार्यक्रम ३ घण्टा १४ मिनेटसम्म चल्ने नेपाल ओलम्पिक कमिटिले जानकारी दिएको छ ।
राष्ट्रपति विद्यादेवि भण्डारीले साग क्षेत्रकै वृहत खेल मेलाको उद्घाटन गर्नेछिन् । नेपालले तेस्रो पटक साग आयोजना गर्न लागेको हो ।
यद्दपी करीव दुई दशकपछि काठमाडौं फर्किएको सागलाई भब्य र ऐतिहासिक बनाउन कुनै कसुर बाँकि नराख्ने योजना नेपालको छ ।
सागका खेलहरु भने बुधबारबाटै शुरु भएका हुन् । २४ मंसिरमा सागको समापन हुँदैछ । यस पटकका खेल काठमाडौँ, पोखरा र जनकपुरमा हुँदैछन् ।
दक्षिण एसियाली महाद्वीपका राष्ट्रहरूले आफ्नो प्रतिष्ठाका रुपमा यस खेल मेलाई लिने गरेका छन् । उद्घाटनका अवसरमा सेना प्रहरी तथा विद्यार्थी गरी करीव १५ हजार कलाकारले प्रस्तुति दिँदैछन् ।