काठमाडौं । इक्वेडरमा एक जेल भित्र कैदीहरुबीच हिंसात्मक झडपमा परी कम्तीमा ६८ जनाको ज्यान गएको छ । अन्तरांष्ट्रिय संचारमाध्यमले ६८ जनाको मृत्यु भएको र थप २५ जना घाइते भएको पुष्टी गरेका छन् । त्यहाँको गाकुइल नामक सहरस्थित जेलमा झडप भएपछिको खोज तलासीमा विष्फोटक पदार्थ तथा बन्दुक समेत फेला परेको छ ।
झडपपछि प्रशासनले सेना परिचालन गरेको छ । यो वर्ष मात्र इक्वेडरमा जेल भित्रको झडपमा दुई सयभन्दा धेरैको ज्यान गइसकेको समेत समाचारमा जनाइएको छ । अघिल्लो महिना भएको एक झडपमा एक सय भन्दा बढी मारिएका थिए । फेब्रुअरीमा तीन वटा जेलमा भएको झडपमा कम्तीमा ७९ जना मारिएको खबर छ । लागु औषधसँग सम्बन्धित अपराधीहरुको जामघट रहेको यी जेलमा बढी हिंसा हुने गरेको हो ।