वासिंटन डिसी । इजरायलले प्यालेस्टाइनमा संचारमाध्यमहरुको रहेको एक भवनमा मिसाइल प्रहार गरी ध्वस्त बनाइदिएको छ । गाँजा क्षेत्रमा रहेको यो भवनमा एपी, अलजजिरासहित विश्वस्तरीय संचारमाध्यमको कार्यालय रहेको थियो । इजराययले संचारमाध्यमका कार्यालयमा आक्रमण गरेपछि अमेरिका भड्किएको छ । उसले इजरायललाई पत्रकारको सुरक्षा सुनिश्चित गर्न आह्वान गरेको छ ।
व्हाइड हाऊसकी प्रवक्ता जेन साकीले ट्वीट गर्दै यस्तो आह्वान गरेकी हुन् । उनले स्वतन्त्र मिडियामा आँच पुर्याउने कुनै पनि गतिविधि नगर्न समेत इजरायललाई चेतावनी दिएकी छिन् । शनिवार इजरायलले एक हवाई हमलाका माध्यमबाट उक्त भवन ध्वस्त बनाएको हो । यो भवनमा कुनै मानिस त्यो बेल थिए वा थिएनन् भन्ने खुलेको छैन ।
अल जजिराका कार्यवाहक महानिदेशक डा. मुस्तफ़ा स्वेगले अन्तर्राष्ट्रिय स्तरमा मिडिया माथिको आक्रमणलाई युद्ध अपराध मानिने विषयलाई सम्झाएका छन् । इजरायलले आफ्नो अपराध विश्वभरबाट अलग राख्न मिडिया माथि आक्रमण गरेको आरोप समेत अलजजिराले लगाएको छ ।