काठमाडौं । इराकमा अमेरिकी वाणिज्य दूतावासमा मिसाइल हमला भएको छ र इराकी सुरक्षा अधिकारीलाई उदृत गर्दै अन्तर्राष्ट्रिय संचारमाध्यमले यसको पुष्टी गरेका छन् । इराकको उत्तर क्षेत्रम अवस्थित स्वायत्त कुर्द इलाकास्थित इरबिल शहरमा यस्तो आक्रमण भएको हो । अमेरिकी वाणिज्य दूतावासको भवनमा मिसाइल गिरेको पाइएको छ । सामाजिक संजालमा समेत वाणिज्य दूतावास नजिकै शक्तिशाली विष्फोटको आवाज सहितका सामग्री पोष्ट भएका छन् ।
मिसाइलको निसानाकहाँ थियो भन्ने चाँही नखुलेको समाचारमा उल्लेख छ । समाचार एजेन्सी रोयटर्सका अनुसार इराक भन्दा अन्य मुलुकबाटै मिसाइल आक्रमण भएको पाइएको छ । हमलाबाट मानवीय क्षतिको भने विवरण आएको छैन । अमेरिकी विदेश मन्त्रालयका प्रवक्ताले यस घटनालाई क्रुरको संज्ञा दिएका छन् । थप विवरण आउन बाँकि छ ।