नयाँ दिल्ली । दुबईबाट भारतको जयपुर आइरहेको एक विमान भारतको नयाँ दिल्ली अन्तर्राष्ट्रिय विमानस्थलमा अवतरण गर्यो । त्यसपछि एक यात्रुले ट्वीट नगरे, दुबईबाट जयपुर गइरहेको फ्लाइट अपहरणमा परेको छ । त्यसपछि यो खबर भाइरल भयो । वास्तवमा जहाज जयपुरको मौसम खराबीका कारण दिल्ली डाइभर्ट भएको थियो । पौने १० बजे दिल्ली अवतरण भएको जहाजले १ बजे जयपुर जाने अनुमति समेत पाएको थियो ।
राजस्थानको नागौर निवासी मोती सिंह राठौडले दुबई–जयपुर फ्लाइट हाइज्याक भएको बताएका थिए । फ्लाइट ढिला हुने भएपछि आफुले उक्त हर्कत गरेको उनले बयानमा भनेका छन् । हाइज्याकको खबरपछि सुरक्षा एजेन्सीले सबै यात्रुलाई ब्यागेजसहित जहाजबाट उतार्न परेको थियो । त्यसपछि अनुसन्धान थालिएको थियो । जहाजलाई जाँच गरेसँगै उडान गन्तब्यमा पुगेको थियो । राठौडलाई स्थानीय प्रहरी प्रशासनले पक्राउ गरेको छ । भारतीय सञ्चारमाध्यमले जहाजको कुन कम्पनीको थियो भन्ने सार्वजनिक गरेका छैनन् ।