मुम्बई । उडिरहेको जहाजमा एक महिलाले हंगामा मच्याएको समाचार भारतीय सञ्चारमाध्यमले प्रकाशित गरेका छन् । आबुधावीबाट मुम्बई आइरहेको भिस्तारा एयरको जहाजकी एक महिला यात्रुले यस्तो हर्कत गरेकी हुन् । समाचार अनुसार इटालीमा रहने ती महिलाले उडानका दौरान क्रु मेम्बरलाई गाली दिएका थिइन् । त्यसपछ उनली मारपिटमा उत्रिइन् ।
केहीबेरपछि आफ्नो कपडा खोलेर नग्न अवस्थामा करिडोरमा घुमेको समेत समाचारमा उल्लेख छ । समाचार अनुसार उनले इकोनोमी क्लासको टिकट लिएकी थिइन् । तर, उनलाई विजनेश क्लासमा बस्न मन लाग्यो । त्यसपछि क्रु मेम्बरले उनलाई रोक्न खोजेका थिए । ४५ वर्षिय पाओला पेरुशिओलाई अन्ततः प्रहरीले गिरफ्तार गरेको छ । यो सोमबारको घटना हो ।