काठमाडौं । अर्जेन्टिनी स्टार लियोनल मेस्सीले आफ्नो उत्कष्ट फर्म जारी राखेका छन् । उनले देश र क्लव दुबैका लागि यो सिजन निरन्तर गोल गरिरहेका छन् । मेसी र केलियन एमबाप्पे चम्किएपछि पेरिस सेन्ट जर्मेन (पीएसजी) ले फ्रेन्च लिग वान फुटबलमा जित निकालेको छ । घरेलु मैदानमा शनिबार राति भएको खेलमा पीएसजीले निसलाई २–१ गोलले हराएको हो ।
पीएसजीको जितमा मेस्सीले २९औं र एमबाप्पेले ८३औं मिनेटमा गोल गरे । निसका गेटन लाबोर्डेले ४७औं मिनेटमा गरेको गोल सान्त्वना बन्यो । लिगमा पीएसजीको यो लगातार सातौं जित हो । जितसँगै शीर्षस्थानमा रहेको पीएसजीले नौ खेलबाट २५ अंक बनाएको छ । पराजित आठ अंकसहित १३औं स्थानमा छ । दोस्रो स्थानमा रहेको मार्सेलीको २३ अंक छ ।