उत्तर प्रदेशमा चट्यांग लागेर कम्तिमा २८ जनाको मृत्यु

कानपुर । नेपालको सीमाना जोडिएको भारतीय राज्य उत्तर प्रदेशमा चट्यांग लागेर कम्तिमा २८ जनाको मृत्यु भएको छ । यो घटना आइतरबारको हो । भारतीय संचारमाध्यमहरुका अनुसार डेढ दर्जन मानिस घाइते छन् । उत्तर प्रदेशमा आइतबार भारी वर्षा भएको थियो । सो दौरान परेको चट्यांगले ठूलो मानवीय क्षति गरेको हो । यो संख्या उत्तर प्रदेशको फरक फरक स्थानबाट आएको तथ्यांक छ । मर्नेको संखया अझ बढ्न सक्ने बताइएको छ ।

सबैभन्दा बढी मानिस प्रयासराजमा रहेको छन् । यहाँबाट मात्र १३ जनाको मृत्यु भएको खबर छ । घाइतेहरु गम्भीर अवस्थामा छन् । ती स्थानमा घरपालुवा जनवार समेत मरेको खबर छ । मुख्यमंत्री योगी आदित्यनाथले आइतबार मृतकका परिवारलाई प्रतिपरिवार ४ लाख रुपैयाँ क्षतिपूर्तिको घोषणा गरेका छन् ।

उनले ज़िला प्रशासनलाई तत्काल घटनास्थल पुगी सहायता वितरण गर्न समेत निर्देशन दिएका छन् । प्रयागराज, कानपुर, फ़िरोज़ाबाद, कौशांबी, मिर्ज़ापुरमा यस्तो घटना भएको हो । उता, राजस्थानका विभिन्न स्थानमा समेत चट्यांग परेको खबरछ । जयपुरमा आइतबार भारी वर्षाले जनजिवन प्रभावित बनाएको छ । राजस्थानको कोटामा चार र धौलपुरमा तीन बच्चाको ज्यान गएको छ ।