काठमाडौं । पछिल्लो २४ घण्टामा देशभर ८८४ जना संक्रमित थप भएका छन् । त्यसमध्ये जिल्लागत रुपमा सबैभन्दा बढी काठमाडौंमा देखिएका छन् । स्वास्थ्य तथा जनसंख्या मन्त्रालयका अनुसार काठमाडौंमा यस अवधिमा १ सय ५५ जनाका कोरोना पुष्टी भएको छ ।
ललितपुरमा १९ र भक्तपुरमा १२ जनाका कोरोना देखिएको छ । २४ घण्टामा कुल १० हजार ४७१ नमुना परीक्षण गर्दा २४२ महिला र ६५२ पुरुषमा संक्रमण पुष्टि भएको स्वास्थ्य तथा जनसंख्या मन्त्रालयले जानकारी दिएको छ । देशभर अहिलेसम्म ६ लाख ६९ हजार ६ सय २६ वटा पिसिआर परीक्षण भइसकेको छ ।