काठमाडौं । काठमाडौं उपत्यकामा आजबाट २५ सिटभन्दा माथि क्षमताका सार्वजनिक बस चल्न शुरु गरेका छन् । सरकारले सार्वजनिक सवारी साधनलाई समेत जोर बिजोर सिस्टममा चलाउन सकिने गरि तोकेको छ । सोमबार काठमाडौं, ललितपुर र भक्तपुरका प्रमुख जिल्ला अधिकारीहरुको संयुक्त बैठकले यस्तो निर्णय गरेको थियो । यससँगै उपत्यकामा ठूलो सार्वजनिक बसको सेवा शुरु भएको हो । यी सवारी साधनले स्वास्थ्यका मापदण्ड पालना गर्नुपर्छ ।
साना सार्वजनिक सवारी साधन भने चलाउन पाइदैन । खाद्यान्नका पसल आजबाट साँझ ६ बजेसम्म खोल्न पाइने छ । उपत्यकामा निजी सवारीसाधन र ट्याक्सीको जोर–बिजोर प्रणाली कायम छ । उपत्यकाका प्रमुख जिल्ला अधिकारीहरुको बैठकले निषेधाज्ञा थप एक साता लम्बाएको छ । लम्बिएको निषेधाज्ञा आजबाट लागु हुनेछ । तर, प्रावधानहरु भने खुकुलो बनाइएको छ ।