काठमाडौं । अन्तर्राष्ट्रिय क्रिकेट काउन्सिल आइसीसीले एकदिवसीय विश्वकपमा सहभागि मुलुकको संख्या बढाउने निर्णय गरेको हो । यस्तो निर्णय आगामी सन् २०२४ देखि ३० सम्मको बीचमा आयोजना हुने विश्वकपमा लागु भइसक्ने छ । अहिले १० टीमले मात्र विश्वकपमा भाग लिन सक्छन् । यो संख्या बढाएर अब १४ पुर्याउने निर्णय भएको हो ।
उता टी२० विश्वकपमा भने २० टिम सहभागी गराइने छ । यसले नेपालजस्तो एशोसिएट मुलुकको विश्वकप सपना पुरा हुने देखिएको छ । आगामी साइकल अन्तर्गत सन् २०२७ र २०३१ को एकदिवसीय विश्वकप क्रिकेटमा १४ टिमले प्रतिस्पर्धा गर्ने सम्भावना छ । सन् २०२३ मा हुने एकदिवसीय विश्वकपमा १० टिमले मात्र विश्वकप खेल्ने छन् ।
२०२४ देखि टी२० विश्वकपमा २० टिमले प्रतिस्पर्धा गर्ने भएका छन् । आइसीसीले सन् २०२४, २०२६, २०२८ र २०३० को टी२० विश्वकपमा २० टिमले प्रतिस्पर्धा गर्ने उल्लेख गरेको छ। महिला विश्वकपमा समेत टीम संख्या बढिसकेको छ ।
नेपालले सन् २०१४ मा पहिलो पटक टी२० विश्वकप खेलेयता विश्वकपमा छनोट हुन सकेको छनै । सन् २०२२ को टी२० विश्वकपका लागि नेपाल ग्लोबल क्वालिफायर खेल्ने क्रममा रहेको छ ।