काठमाडौं । काठमाडौंमा एक युवतीले एकै पटक चार शिशुलाई जन्म दिएकी छिन् । काठमाडौं मेडिकल कलेज (केएमसी) अस्पतालमा बुधबार चम्ल्याहा शिशु जन्मिएका हुन् ।
२७ वर्षीया खगित्रा शाहीले एकैपटक चार शिशुलाई धर्तीमा जन्म दिएकी हुन् । अहिले बच्चा र आमा सबैको स्वास्थ्यको अवस्था राम्रो रहेको छ ।
अस्पतालका अनुसार ३३ हप्ता ३ दिनपछि अपरेसन गरी बच्चा जन्माइएको छ ।
शिशुमध्ये तीन छोरा र एक छोरी छन्। एकै पटक चार शिशु जन्मनु दूर्लभ क्षण मानिन्छ । संसारमा सिमित मानिसहरुमा मात्र यस्तो संयोग मिल्छ ।