कोलम्बस, ओहायो
गैर-आवासीय नेपाली संघ ओहायो च्याप्टरद्वारा आयोजित बनभोज लगायका विविध मनोरञ्जनात्मक कार्यक्रम भव्यताका साथ सम्पन्न भएको छ। ओहायो राज्यको कोलम्बसमा एनआरएन च्याप्टरद्वारा पहिलो पल्ट आयोजित बनभोज लगायतका मनोरञ्जनात्मक कार्यक्रममा स्थानीय नेपालीहरुको उलेख्य सहभागिता रहेको थियो ।
ओहायोका बिभिन्न शहरहरू एक्रोन , सिनसिनाटी, क्लिभल्याण्ड आदि सहरहरूबाट बिभिन्न पेशा तथा संघसंस्थासँग सम्वद्ध नेपालीहरूको कार्यक्रममा उल्लेख्य सहभागिता रहेको थियो।
ओहायो एनआरएन च्याप्टरका उपाध्यक्ष अवि दाहालले स्वागत मन्तब्य राख्दै ओहायो च्याप्टरद्वारा भईरहेका कार्यक्रम तथा भावि कार्यक्रमको बारेमा जानकारी दिएका थिए । कार्यक्रम एनआरएन एनसिसी अमेरिकाका उपाध्यक्ष गोपेन्द्र भट्टराईको प्रमुख आतिथ्यमा सम्पन्न भएको थियो । प्रमुख अतिथी भट्टराईले एनआरएन एनसिसीको महत्व तथा भइरहेका गतिबिधिका बारेमा प्रष्ट पारेका थिए । कार्यक्रमको सन्चालन एनआरएन च्याप्टरका कोषाध्यक्ष होताराम बिस्वकर्माले गरेका थिए । होताराम बिस्वकर्मा र सहसचिव लोकेन्द्र देबकोटाको संयोजकत्वमा सम्पन्न कार्यक्रमको आर्थिक पाटोको संयोजनमा भने सचिव श्रीदी खड्का तथा सदस्य डिल्ली केरूडले गरेका थिए ।
ओहायो एनआरएन च्याप्टरका अध्यक्ष मोहन न्यौपानेले नृत्यमा डा.आरती शर्मा तथा समुह तथा बाल कार्यक्रम संयोजक अनुज दाहाल र ओएसिस न्यौपानेलाई पुरस्कार सहित सम्मान गरेका थिए ।
कार्यक्रम आयोजकले यसै समाचार मार्फत कार्यक्रमलाई सफल र भब्य बनाउन सहयोग गर्नु हुने निर्मला लुईटेल, देवका कंडेल ,सन्तोषी खड्का, एलिसा ढकाल लगायत सबै महिला दिदीबहिनीहरूलाई हार्दिक धन्यवाद ब्यक्त गरिएको समेत संस्थाद्वारा जारी बिज्ञप्तीमा जनाईएको छ । कार्यक्रममा फोटोग्राफी गर्ने बिक्रम तामाड़ तथा भोजन ब्यबस्थापन गर्ने ड्र्यागन रेस्टुरेन्टका टंक तिवारीलाई पनि धन्यबाद ब्यक्त गरिएको छ ।
ओहायो एनआरएन च्याप्टरको निमन्त्रणालाई स्वीकार गरी मनोरन्जनपूर्ण तरिकाले कार्यक्रम सफल पार्न सहयोग गर्ने पत्रकार, बुद्धिजिवी, कलाकार, बिभिन्न संघ सस्थाका प्रतिनिधि तथा कार्यसमिति र सल्लाहकार समितिका सम्पूर्ण टिमलाई समेत संस्थाले धन्यबाद ब्यक्त गरेको छ ।