काठमाडौं । शनिबार सत्तारुढ दलका शीर्ष नेताबीच भेटवार्ता भएको छ । प्रधानमन्त्री शेरबहादुर देउवा, नेकपा माओवादीका अध्यक्ष ‘प्रचण्ड’ र नेकपा एकीकृत समाजवादीका अध्यक्ष माधवकुमार नेपालबीच शनिबार भेटवार्ता भएको हो ।
बालुवाटारमा भएको बैठकमा मिलेनियम च्यालेन्ज कर्पोरेसन (एमसीसी) परियोजनाका सन्दर्भमा छलफल भएको बताइएको छ । तर, बैठकले कुनै निर्णय भने गरेन । छलफलमा प्रधानमन्त्री देउवा, माओवादीका अध्यक्ष प्रचण्ड, नेकपा एकीकृत समाजवादीका अध्यक्ष नेपाल र कानुन मन्त्री दिलेन्द्रप्रसाद बडू उपस्थित थिए ।