एमालेमा पदाधिकारी र सदस्य छान्ने अधिकार ओलीलाइ, रावलले नमान्ने

चितवन । नेकपा एमालेमा पदाधिकारी र केन्द्रीय सदस्य छान्ने विशेषाधिकार अध्यक्ष केपी शर्मा ओलीले पाएका छन् । उनलाई बन्दसत्रले यस्तो अधिकार दिएको हो । शनिबार सौराहामा शुरु एमालेको १० औं महाधिवेशनको बन्दसत्रमा नेता विष्णु पौडेलले यस्तो प्रस्ताव राखे । उनको प्रस्तावमा बहुमत सदस्यले ताली बजाएर समर्थन गरे ।

तर, यो निर्णय नेकपा एमालेका नेता भीम रावलले भने नमान्ने भएका छन् । उनले आफूले अध्यक्षमा उम्मेदवारी दिने अडान कायम राखेका छन् । अन्य पदाधिकारीमा सर्वसम्मत बनाउन प्रयासरत ओली आफ्नै पदमा भने चुनाव लड्नु पर्ने तनावमा छन् । उमेदवारी दर्ता आइतबार हुने छ ।