काठमाडौं । नेपाली कांग्रेसले डडेल्धुरा कांग्रेसका निवर्तमान सभापति कर्णबहादुर मल्ललाई पार्टीबाट निष्कासन गरेको छ। पार्टीविपरीत गतिविधि गरेको भन्दै कांग्रेसले मंगलबार सुदूरपश्चिम प्रदेश सभा सदस्यसमेत रहेका मल्ललाई कांग्रेसको सदस्यबाट निकालेको हो। कांग्रेस मुख्यसचिव कृष्णप्रसाद पौडेलले विज्ञप्ति जारी गरि यस्तो जानकारी गराएका छन् । मल्ललाई साधारण सदस्यसमेत नरहने निष्काशनमा परेका हुन् ।
‘कांग्रेस डडेल्धुराका निवर्तमान सभापति एवं सुदूरपश्चिम प्रदेश सभा सदस्य कर्णबहादुर मल्लले नेपाली कांग्रेसको विधान, २०१७ (संशोधन सहित) विपरीत गतिविधि गरेको हुनाले निजलाई कांग्रेसको सदस्य समेत नरहने गरी निर्देशानुसार पार्टीबाट हटाइएको छ,’ विज्ञप्तिमा भनिएको छ। पछिल्लो समय मल्ल पक्षले डडेल्धुरामा नेकपा एमालेसँग मिलेर चुनाव उठ्ने निर्णय गरेका थिए ।