एमाले केन्द्रिय कमिटी बैठक आजबाट

काठमाडौं । नेकपा एमालेको केन्द्रीय कमिटी बैठक आजबाट शुरु हुने भएको छ । केन्द्रीय प्रचार विभागका उपप्रमुख विष्णु रिजालका अनुसार बबरमहलमा आज बिहान ११ बजे केन्द्रीय कमिटी बैठक बस्न लागेको छ । बैठकमा अध्यक्ष केपी शर्मा ओली र महासचिव शंकर पोखरेलका प्रतिवेदनमाथि छलफल हुनेछन्।
साथै सातै प्रदेशका अध्यक्षहरूले रिपोर्टिङ गर्नेछन्। चुनावी घोषणा पत्र तथा उम्मेदवार चयन मापदण्डलगायतबारे पनि छलफल गर्ने एजेन्डा रहेको छ ।
बैठक बिहीबारसम्म चल्ने भएको छ । चुनाव नजिकिएसँगै पार्टीहरु त्यसतर्फ होमिएका छन् ।