काठमाडौं । नेकपा एमालेका नेताहरु एकताका लागि सहमत भएको नेताहरुले दावि गरेका छन् । पछिल्लो दुई साता लगातार बैठकमा जुटेका नेताहरुले शुक्रबार महत्वपूर्ण सहमति जुटेको दावि गरेका छन् । यद्दपी सहमतिका बुँदा के हुन भन्ने चाँही खुलाइएको छैन । अध्यक्ष केपी शर्मा ओली र वरिष्ठ नेता माधव कुमार नेपाल पक्षबीच एकताका लागि बनेको कार्यदलको शुक्रबार दिनभरको बैठकले समझदारी जुटाएको कार्यदलका सदस्य प्रदिप ज्ञवालीले बैठकपछि जानकारी दिए ।
उनका अनुसार सहमतिको दस्तावेजलाई अन्तिम रुप दिन शनिबार पुनः बैठक बस्ने भएको छ । त्यसपछि सहमतिका बुँदा सार्वजनिक गर्ने तयारी छ । कार्यदलबीच शुक्रबार ७ घण्टा अर्थ मन्त्रालयमा छलफल भएको हो ।