काठमाडौं । बुधबार निर्वाचन आयोगमा नेकपा एमाले समाजवादी पार्टी दर्ता भएसँगै एमाले औपचारिक रुपमा फुटेको छ । यो पार्टीको नेतृत्व माधव कुमार नेपालले गरेका छन् । माधवकुमार नेपालको अध्यक्षतामा दर्ता भएको नयाँ पार्टीमा पार्टीको अध्यक्ष माधवकुमार नेपाल र वरिष्ठ नेतामा झलनाथ खनाल रहेका छन् । पार्टीमा ९५ जना केन्द्रीय कमिटी सदस्य रहेका छन् । चुनाव चिन्हमा अभलै टुंगो लागिसकेको छैन । यसअघि किताव प्रस्ताव गर्ने बताइएको थियो ।
एमालेमा अब माधव नेपाल पक्षमा रहेका दोस्रो तहका नेताको भविश्य भने अन्यौलमा परेको छ । उनीहरुले नयाँ पार्टीमा नजाने भन्दै बाहिरै बसेका छन् । पुरानो एमालेमा समेत उनीहरुले ओलीको नेतृत्व नमान्ने भनी यसअघि नै संघर्ष गरेका थिए । उनीहरुले नेकपा फुटाउन ओलीले खेलेको भूमिका पछि नै असन्तुष्ट रहँदै पार्टीभन्दा बाहिर बस्ने निर्णय लिएका थिए ।
