काठमाडौं । बुधबार करीव डेढ महिनाको विवादपछि पहिलो पटक भेट गरेका नेकपा एमालेका अध्यक्ष केपी शर्मा ओली र वरिष्ठ नेता माधवकुमार नेपालबीच बिहीबार समेत भेटवार्ता भएको छ । दुबै नेताबीच आज पनि पाँचतारे होटेल मेरियटमा भेटवार्ता भएको हो । आज पनि करीव डेढ घण्टा दुई नेताबीच एक्लाएक्लै कुराकानी भयो ।
तर, कुराकानीबाट कुनै निष्कर्ष भने ननिस्किएको भेटपछि सञ्चारकर्मीलाई छोटो प्रतिक्रिया दिँदै नेता नेपालले जानकारी दिए । मिडियामा बोल्ने गरी कुनै निष्कर्ष नआएको उनको भनाई छ । भेटमा नेता नेपालले कारवाहीसहित ओलीले चालेका सबै कदम फिर्ता हुनुपर्ने माग राखे पनि अध्यक्ष ओली भने सहमत नभएको नेपाली संचारमाध्यमहरुले जनाएका छन् ।