सुर्खेत । कर्णाली प्रदेशका मुख्यमन्त्री महेन्द्रबहादुर शाहीविरुद्धको अविश्वासको प्रस्ताव बहुमतले अस्वीकृत भएको छ । यससँगै उनको पद समेत अब औपचारिक रुपमा जोगिएको छ । शुक्रबार बिहान वीरेन्द्रनगरमा बसेको नेपाल कम्युनिष्ट पार्टी (नेकपा) कर्णाली प्रदेश सभाको संसदीय दलको बैठकले शाहीविरुद्धको अविश्वासको प्रस्ताव अस्वीकृत गरेको छ ।
कर्णाली प्रदेशको विवाद मिलाउन केन्द्रमा दुई अध्यक्षसम्मले निकै कसरत गर्नु परेको थियो । यहाँ प्रचण्ड र माधव नेपाल समुह मिलेर केपी ओली पक्षलाई एक्लाएसँगै राजनीतिक अस्थिरता निम्तनबाट जोगिएको हो । यहाँ प्रधानमन्त्री निकट पूर्व एमाले समुहले मूख्यमन्त्रीविरुद्ध अविश्वासको प्रस्ताव ल्याएको थियो ।
नेकपाकै नेता यामलाल कँडेलसहितका प्रदेशसभा सदस्यहरुले मुख्यमन्त्री शाहीविरुद्ध अविश्वासको प्रस्ताव दर्ता गरेका थिए ।