काठमाडौं । राष्ट्रिय परीक्षा बोर्डले कक्षा १२ को नतिजा आज प्रकाशित गर्ने तयारी गरिएको छ । नतिजा प्रकाशनको अन्तिम तयारीका लागि बिहान ९ बोर्डको बैठक बोलाइएको छ । नतिजा प्रकाशनको सबै तयारी पूरा भएको बोर्डले जनाएको छ । अब बोर्ड बैठकले नतिजा सार्वजनिक गर्ने निर्णय गर्नुपर्छ ।
कक्षा १२ को परीक्षा भदौ ३० देखि असोज ८ गतेसम्म लिइएको थियो । कोरोना भाइरसको महामारीका कारण पटक पटक प्रभावित भएको यस पटकको परीक्षामा ३ लाख ७१ विद्यार्थी सहभागी छन् । यसपटक उनीहरुलाई आफ्नै विद्यालयमा सेन्टर पारिएको थियो ।